आज ओमानसँग अन्तिम खेल खेल्दै नेपाल

पोखरा । नेपालले आज क्यानाडामा जारी त्रिकोणात्मक टी-२० श्रृंखलाअन्तर्गत ओमानविरुद्ध खेल्दै छ ।

श्रृंखलाको पहिलो खेलमा क्यानाडासँग पराजित भएको नेपाल, दोस्रो खेलमा ओमानलाई पराजित गरेको थियो भने तेस्रो खेलमा क्यानाडासँग पराजित भएको थियो ।

नेपालको यस श्रृंखलामा यो अन्तिम खेल हो । ओन्टारियोस्थित किंग सिटी स्टेडियममा हुने यो खेल नेपाली समय अनुसार राति ९ः४५ बजेदेखि शुरु हुने छ ।

नेपाल र ओमानबीच अहिलेसम्म कुल सात खेल भएका छन्, जसमा नेपालले चार र ओमानले तीन खेल जितेको छ ।

विश्वकप लिग २ का तीन खेल हारेको नेपालले एक खेल वर्षाले गर्दा एक अंक जोड्न सकेको थियो । टी-२० मा ओमानलाई हराएको नेपालले क्यानाडासँग दुवै खेल हारेको छ ।