स्याङ्जा हरिनाशका सुरेश थापा हत्या आरोपमा पक्राउ

पोखरा । स्याङ्जामा हत्या आरोपमा एक युवक पक्राउ परेका छन् । पक्राउ पर्नेमा हरिनाश गाउँपालिका वडा नं ४ बाङ्गेश्वराका ३२ को सुरेश थापा रहेका छन् ।

जिल्ला प्रहरी कार्यालय स्याङ्जाका सूचना अधिकारी प्रहरी निरीक्षक उमेशलाल श्रेष्ठका अनुसार मंगलबार बिहान थापाले सोही ठाउँका ५८ वर्षीय प्रेमबहादुर कामीको टाउकामा घन प्रहार गरी हत्या गरेका थिए ।

आरानमा काम गरिरहेका अवस्थामा सो घटना भएको र कार्मीको घटनास्थलमै मृत्यु भएको प्रहरीले जनाएको छ ।

घटनाका सम्बन्धमा अनुसन्धान भइरहेको प्रहरीले जनाएको छ ।