नेप्सेमा २६ अङ्कको गिरावट

पोखरा । नेप्सेमा आज २६ अङ्कको गिरावट आएको छ । बुधबार नेप्से २६दशमलव०७ अङ्कले घटेर २५ सय ९७दशमलव४९ विन्दुमा रोकिएको हो ।

आज ३१० कम्पनीको कारोबार हुँदा एक करोड ५१ लाख ९९ हजार ७६३ कित्ता शेयर ६ अर्ब ७७ करोड ८१ लाख ९५ हजार ८८१ को खरिद बिक्री भएको छ ।

नेप्सेका अनुसार आज थ्रीस्टार हाइड्रोको शेयर मुल्यमा सकारात्मक सर्किट लागेको छ भने वीन नेपाल लघुवित्तको शेयर मुल्यमा नकारात्मक सर्किट लागेको छ ।

त्यसैगरी आज नेशनल फाइनान्सको सबैभन्दा बढी २० करोड ७१ लाख ५५ हजारको शेयर कारोबार भएको छ ।

त्यस्तै आज हाइड्रो इलेक्ट्रिसिटी इन्भेस्टमेन्टको सबैभन्दा बढी ७ लाख ९ हजार ८६७ कित्ता शेयर कारोबार भएको छ ।