आज सुनको भाउ ह्वात्तै बढ्याे, कतिमा हुँदैछ काराेबार ?

पोखरा । नेपाली बजारमा आज सुनको भाउ ह्वात्तै बढेकाे छ । आज एकै दिनमा सुनको भाउ तोलामा एक हजार पाँच सय रुपैयाँले बढेको हो ।

नेपाल सुनचाँदी व्यवसायी महासङ्घका अनुसार मूल्य बढेसँगै आज प्रतितोला सुन एक लाख ६८ हजार पाँच सय रुपैयाँमा कारोबार भएको छ ।

यस्तै आज चाँदीको मूल्य प्रतितोला रु ४० ले बढेर दुई हजार एक सय पाँच रुपैयाँ कायम भएको महासङ्घले जनाएको छ । सोमबार एक तोला चाँदी रु दुई हजार ६५ मा खरिदबिक्री भएको थियो ।