कास्कीको रुपा-६ मा ट्याक्टर दुर्घटना, सात जना घाइतेलाई पोखरा ल्याइयो

पोखरा । कास्कीको रुपा गाउँपालिका वडा नं ६ मा मंगलबार साँझ ट्याक्टर दुर्घटना हुँदा सात जना घाइते भएका छन् ।

पोखरा र रुपा गाउँपालिकाको सिमाना खोलाछेउबाट रुपाकोट रिसोर्टतर्फ जाँदै गरेको लु४त ९९५४ नम्बरको ट्याक्टर उकालो सडकमा पल्टिएको प्रहरीले जनाएको छ ।

घाइते सबै रुपा गाउँपालिका वडा नं ६ कै भएको बताइन्छ । जसमा १३ वर्षका ममिर मिया, २८ वर्षीय अजम मिया, गपुरदिन मिया, २५ वर्षका सुलतन मिया, १५ वर्षका शुकवार मिया, २५ वर्षका सागर विक, १८ वर्षका इस्बल मिया, १६ वर्षका इमदत्त मिया घाइते भएका छन् ।

घाइतेमध्ये केहीको शिशुवा सामुदायिक अस्पताल र पोखरा स्वास्थ्य विज्ञान प्रतिष्ठानमा उपचार भइरहेको छ ।

ट्याक्टर चालक रुपा-६ का २९ वर्षका कमल सार्कीलाई प्रहरीले नियन्त्रणमा लिइएको प्रहरीले जनाएको छ ।