पोखरा । नेपाली बजारमा आज सोमबार सुनको भाउ एक हजार रुपैयाँ बढेको छ ।
मूल्य बढेसँगै छापावाल सुनको मूल्य तोलामा एक लाख ६१ हजार रुपैयाँमा कारोबार भएको छ ।
अघिल्लो दिन अर्थात आइतबार छापावाल सुनको मूल्य तोलामा १ लाख ६० हजार रुपैयाँमा कारोबार भएको नेपाल सुनचाँदी व्यवसायी महासंघले जनाएको छ ।
आज सोमबार चाँदीको मूल्य पनि बढेको छ । मूल्य बढेसँगै चाँदी प्रतितोला एक हजार नौ सय २० रुपैयाँमा कारोबार भइरहेको छ ।
आइतबार चाँदीको मूल्य तोलामा एक हजार नौ सय पाँच रुपैयाँ थियो ।
