नेपाल र कर्नाटकबीचको खेल शुरु, नेपाल ब्याटिङ गर्दै

पोखरा । नेपाल यू-१९ राष्ट्रिय क्रिकेट टोली र भारतको कर्नाटक यू-१९ टोली बीचको चौथो अध्यास खेल शुरु भएको छ ।

काठमाडौंस्थित मूलपानी क्रिकेट मैदानमा टस जितेर नेपालले पहिले ब्याटिङ शुरु गरेको हो ।

प्रतियोगिताको पहिलो खेलमा नेपालले पराजित भएको थियो । यस्तै नेपाल दोस्रो र तेस्रो खेलमा जित निकाल्दै पाँच खेलको शृङ्खला २–१ को अग्रता बनाएर खेलिरहेको छ ।

आइतबार भएको तेस्रो अभ्यास खेलमा नेपाल एक सय २१ रनले विजयी भएको थियो ।

नेपालले आजको खेल जितेमा श्रृङ्खला नै जित्नेछ । अन्तिम खेल बिहीबार हुनेछ ।

यही नोभेम्बर २९ देखि डिसेम्बर ८ सम्म यूएईमा हुने एसीसी यू–१९ एसिया कपको तयारीका लागि नेपालले एकदिवसीय अभ्यास सिरिज खेलेको हो । क्यानले हेमन्त धामीको कप्तानीमा १८ सदस्यीय टोली घोषणा गरेर अभ्यास शुरु गरेको हो ।