कास्की कांग्रेसका उपसभापति कुँवरलाई प्रशिक्षण विभाग प्रमुखको जिम्मेवारी

पोखरा । नेपाली काँग्रेस कास्कीको प्रशिक्षण विभाग प्रमुखमा युवराज कुँवरलाई जिम्मेवारी प्रदान गरेको छ ।

नेपाली काँग्रेस कास्कीका सभापति किशोरदत्त बरालको अध्यक्षतामा बुधबार बसेको बैठकले सर्वसम्मत कास्कीका उपसभापति कुँवरलाई प्रशिक्षण विभाग प्रमुखको जिम्मेवारी दिइएको हो ।

बैठकले चार जनालाई जिल्ला सदस्यमा मनोनित गरेको छ । जसमा बृद्धिमान गुरुङ, दयासागर सुवेदी, राजाराम पौडेल र दुर्गा अधिकारी छन् ।

यस्तै भरतप्रसाद तिवारी, भरत थापा, डिल्लीराम भट्टराईलाई आमन्त्रित जिल्ला सदस्यमा मनोनित गरिएको बताइएको छ ।

बैठकले पार्टीका क्रियाशील सदस्यता नवीकरण गर्न शुरु गर्ने निर्णयसमेत गरेको छ। पार्टीका सहसचिव शंकर ढुंगाना संयोजक, रामजीप्रसाद कोइराला र सुरेन्द्र अधिकारी सदस्य रहेको समितिले पार्टीको लेवी व्यवस्थापन गर्ने भएको छ ।