बस र ट्रक ठोक्किँदा पाँच जनाको मृत्यु, १५ जना घाइते

पोखरा । भारतको उत्तरप्रदेशमा बस र ट्रक ठोक्किँदा पाँच जनाको मृत्यु भएको छ भने १५ जना घाइते भएका छन् ।

मृतकमध्ये पाँच महिने शिशु, एक महिला र तीन पुरुष रहेको प्रहरीले जनाएको छ ।

दिल्लीबाट आजमगढ जाँदै गरेको डबलडेकर निजी बस अलिगढमा ट्रकको पछाडिको भागमा ठोक्किएको थियो ।

घाइतेलाई जेबरस्थित कैलाश अस्पतालमा भर्ना गरिएको छ ।

दुर्घटनाबारे प्रहरीले अनुसन्धान गरिरहेको भारतीय सञ्चारमाध्यमले जनाएको छ ।