स्याङ्जाको भिरकोटमा लडेर एक जनाको मृत्यु

पोखरा । स्याङ्जाको भिरकोटमा एक जनाको शव भेटिएको छ । बिहीबार दिउँसो करिब ५ बजे भिरकोट नगरपालिका वडा नं. २ डाँडाकोटका ताराबहादुर बस्नेत शव भेटिएको प्रहरीले जनाएको छ ।

प्रहरीका अनुसार बस्नेत घर फर्किने क्रममा गोरेटो बाटोबाट सडकमा खसेका थिए । उनको घटनास्थलमै मृत्यु भएको प्रहरी निरीक्षक उमेशलाल श्रेष्ठले जानकारी थिए ।

उनको शव पोष्टमार्टमका लागि जिल्ला अस्पतालमा राखेर घटनाबारे अनुसन्धान भइरहेको प्रहरी निरीक्षक श्रेष्ठले जानकारी दिए ।