सुनको भाउ निरन्तर उकालो, आज कतिमा हुँदैछ कारोबार ?

पोखरा । आज शुक्रबार सुनको मूल्य तोलामा एक हजार पाँच सय रुपैयाँ बढेको छ ।

बिहीबार तोलामा एक लाख ६४ हजार रुपैयाँमा कारोबार भएको छापावाल सुनको मूल्य आज बढेर तोलामा एक लाख ६५ हजार पाँच सय रुपैयाँ पुगेको छ । ।

बिहीबार पनि सुनको भाउ तोलामा एक हजार रुपैयाँ बढेको थियो ।

नेपाल सुनचाँदी व्यवसायी महासंघका अनुसार आज चाँदीको मूल्य पनि तोलामा १५ रुपैयाँ बढेको छ ।

मूल्य बढेसँगै चाँदी एक हजार नौ सय ४० रुपैयाँ कारोबार भइरहेको छ ।

बिहीबार चाँदीको मूल्य तोलामा एक हजार नौ सय २५ रुपैयाँ कायम भएको थियो ।