पोखरा । वीरगन्जबाट पोखरा आउँदै गरेको बस आज मकवानपुरको हेटौँडामा दुर्घटना हुँदा १७ जना यात्रु घाइते भएका छन् ।
घाइतेमध्ये एक बालिकको अवस्था गम्भीर रहेको बताइएको छ ।
ग२ख १६२१ नम्बरको बस ब्रेक फेल भई चुरियामाई मन्दिर नजिकै दुर्घटना भएको प्रहरीले जनाएको छ ।
बसमा सवार रहेका १८ मध्ये चालकसहित १७ जना घाइते भएका हुन् ।
प्रहरीका अनुसार गम्भीर घाइते हुनेमा बारा पर्सैनी गाउँपालिका वडा नं ३ की ९ वर्षीया जोनीशा कुमारी ठाकुर रह्की छन् ।
घाइतेको हेटौँडा अस्पतालमा उपचार भइरहेको छ । थप विवरण आउन बाँकी छ ।
