मोटरसाइकल दुर्घटनामा एक युवकको मृत्यु, चालक पक्राउ

दाङ । दाङमा आज बिहान मोटरसाइकल दुर्घटना हुँदा एक युवकको ज्यान गएको छ ।

मृत्यु हुनेमा सल्यानको बागचौर नगरपालिका वडा नं ३ घर भई हाल तुलसीपुर नगरपालिका वडा नं ९ बस्ने ३० वर्षीय लिलाराम डाँगी छन् ।

इलाका प्रहरी कार्यालय लमहीका अनुसार आज बिहान करिब ४ बजे रा७प ४९५४ नम्बरको मोटरसाइकल लमहीको रातोडाँडामा दुर्घटनामा परेको हो ।

सो दुर्घटनामा मोटरसाइकलको पछाडि सवार डाँगी गम्भीर घाइते भएका थिए । उनलाई तत्कालै उद्धार गरी लमही अस्पताल पुर्याइएकोमा चिकित्सकले मृत घोषणा गरेको प्रहरी निरीक्षक रकम खड्काले जानकारी दिए ।

दुर्घटनामा मोटरसाइकल चालक रोशक विकको अवस्था सामान्य रहेको र उनलाई नियन्त्रणमा लिएर अनुसन्धान शुरु गरिएको प्रहरीले जनाएको छ ।