पेट्रोलको भाउ बढ्याे

पाेखरा। नेपाल आयल निगमले पेट्रोलको भाउ बढाएको छ ।

इन्डियन आयल कर्पोरेशनबाट आएको नयाँ दरअनुसार निगमले पेट्रोलमा प्रतिलिटर एक रुपैयाँ, हवाई इन्धनमा आन्तरिकतर्फ प्रतिलिटर दुई रुपैयाँ, अन्तर्राष्ट्रियतर्फ काठमाडौँका लागि प्रति किलोलिटर १५ अमेरिकी डलर बढाएको छ ।

पोखरा र भैरहवाका लागि ब्रेक इभन पोइन्टमा बिक्री मूल्य कायम गरिएको निगमले जनाएको छ ।

साथै एलपीजी ग्यास प्रतिसिलिन्डर १४ रुपैयाँ ४९ पैसाले बढेर आए पनि उपभोक्ताको हितका लागि भन्दै पुरानै दर राखिएको छ ।

त्यस्तै मट्टितेलको भाउ पनि १ रुपैयाँ ७४ पैसा बढेर आए पनि साविककै बनाइएको छ । डिजेलमा प्रतिलिटर १८ पैसा घटेर आए पनि निगमले यथास्थितिमा राखेको छ ।

नयाँ दर शनिबार राति १२ बजेर १ मिनेटदेखि लागू हुनेछ ।