एनपीएल : काठमाडौँकाे पहिलाे जीत, कर्णालीकाे दाेस्राे हार

पाेखरा । नेपाल प्रिमियर लिग (एनपीएल) को छैटौँ खेलमा काठमाडौँ गुर्खाजले पहिलाे जीत हासिल गरेकाे छ । आज भएकाे पहिलाे खेलमा काठमाडौँले कर्णालीलाई तीन विकेटले पराजित गरेको हो ।

योसँगै कर्णालीले लगातार दोस्रो हार बेहाेरेको छ । कर्णाली पहिलो खेलमा जनकपुर बोल्ट्ससँग आठ विकेटले पराजित भएको थियो ।

त्यस्तै काठमाडौँको यो पहिलो जित हो । यसअघि काठमाडौँ चितवनसँग पाँच विकेटले पराजित भएको थियो ।

कीर्तिपुरस्थित टीयू क्रिकेट मैदानमा आज भएकाे खर्कालमा ठमाडौँले एक सय ५० रनको चुनौती १९दशमलव तीन ओभरमा सात विकेटको क्षतिमा पूरा गरेको हो ।

कर्णालीका लागि सुमित महर्जनले ३७ बलमा अविजित रहँदै ४०, गेर्हार्ड इरास्मसले २८ बलमा ३८ तथा कप्तान करण केसीले १० बलमा २८ रन बनाए ।  बिपिन शर्माले १८ रन खर्चेर एक विकेट लिए ।

खेलमा टस हारेर पहिले ब्याटिङ गरेको कर्णालीले पाँच विकेटको क्षतिमा एक सय ४९ रन बनाएकाे थियो ।

कर्णालीका लागि शिखर धवन ‘गब्बर’ ले ५१ बलमा पाँच छक्का र चार चौकाको मद्धतले अविजित रहँदै ७२ रन बनाए ।

त्यस्तै चाडविक वाल्टनले २१ तथा जीशन मसूदले अविजित रहँदै १४ रन जोडे ।

काठमाडौँका लागि गेर्हार्ड इरास्मसले दुइ विकेट लिए ।

आजको दोस्रो खेल विराटनगर किंग्स र लुम्बिनी लाइन्सबीच हुँदैछ । लुम्बिनीले पहिलो खेल खेल्दैछ भने विराटनगरको यो तेस्रो खेल हुनेछ । यसअघिका दुवै खेल विराटनगरले हारेको छ ।