सूर्यदर्शन सहकारी ठगी प्रकरणमा पोखराका कृष्ण गुरुङ पक्राउ

पोखरा । पोखरास्थित सूर्यदर्शन बचत तथा ऋण सहकारीको रकम अपचलन गरेको आरोपमा थप एक जना पक्राउ परेका छन् ।

पक्राउ पर्नेमा पोखराका कृष्ण गुरुङ छन् । सहकारीका सञ्चालक सदस्यसमेत रहेका उनी काठमाडौँबाट पक्राउ परेका हुन् ।

यसअघि फरार रहँदै आएका उनी कतार जान लागेको अवस्थामा पक्राउ परेको प्रहरीले जनाएको छ ।

उनलाई पोखरा ल्याउने तयारी भइरहेको कास्की प्रहरीले जनाएको छ ।

सूर्यदर्शन सहकारी रकम अपचलनकै आरोपमा पूर्वगृहमन्त्री एवं राष्ट्रिय स्वतन्त्र पार्टी (रास्वपा) रवि लामिछाने, पूर्वडीआईजी छविलाल जोशी, सहकारीका पूर्वसञ्चालक कुमार रम्तेल, व्यवसायी रामबहादुर खनाल, लीला पछाईलगायतमाथि कास्की प्रहरीले छानविन गरिरहेको छ ।