सापकोटा कल्याण केन्द्र कास्कीको आठौँ साधारणसभा

पोखरा । सापकोटा कल्याण केन्द्र कास्कीको आठौँ साधारणसभा शनिबार सम्पन्न भएको छ ।

कार्यक्रम उद्घाटन गर्दै सापकोटा कल्याण केन्द्रका सभापति डा. कविन्द्र सापकोटाले सापकोटा वन्धुबीच एकता र आत्मीयता बढाउन केन्द्रमार्फत महत्वपूर्ण काम भएको बताए ।

उनले केन्द्रलाई थप गतिशील बनाउँदै सबै सापकोटा बन्धुलाई एकाकार गर्न आवश्यक रहेको बताए ।

कार्यक्रममा सापकोटा कल्याण केन्द्र गण्डकी संयोजक बुद्धिसागर सापकोटा, गण्डकी सचिव टीकाराम सापकोटा; कास्कीका संस्थापक अध्यक्ष ऋषिराम सापकोटा, मादी-४ का अध्यक्ष शिवप्रसाद सापकोटा, पोखरा-१४ का वडासदस्य गोपाल सापकोटा; तारकाङ-पोखरा सम्पर्क समाजका अध्यक्ष बलराम सापकोटा, सापकोटा कुल मन्दिर समिति अध्यक्ष झपटबहादुर सापकोटालगायतले बोलेका थिए ।

कार्यक्रममा ८४ वर्ष काटेका तीन ज्येष्ठ सदस्यलाई सम्मान, केन्द्रका नयाँ आजीवन सदस्यलाई सदस्यताको प्रमाणपत्र प्रदान गरिएको थियो ।

केन्द्रका अध्यक्ष यमनाथ सापकोटाको अध्यक्षतामा भएको कार्यक्रममा उपसभापति तथा कार्यक्रम संयोजक सत्यराज सापकोटाले स्वागत गरेका थिए ।

सभाले कोषाध्यक्ष कोपिला सापकोटा र अध्यक्ष यमनाथ सापकोटाले प्रस्तुत गरेको प्रतिवेदन सर्वसम्मत पारित गरेको छ ।

यसैबीच कास्कीबाट भूगोलका आधारमा १० जना केन्द्रीय प्रतिनिधि चयन भएका छन् । मादीबाट टंकप्रसाद सापकोटा, बुद्धिसागर सापकोटा, छबिकान्त सापकोटा र कल्पना सापकोटा चयन भए ।

यस्तै हेमजाबाट मनोरथ सापकोटा, अरूणबहादुर सापकोटा र सुरेश सापकोटा छन् । अन्नपूर्णबाट नन्दकली सापकोटा, रूपाको खुदीबाट नवराज सापकोटा र बद्रीका सापकोटा प्रतिनिधि बनेका छन् ।

बाँकी तीन जना जिल्ला प्रतिनिधि पछि चयन गरिने भएको छ । केन्द्रको जिल्ला समितिमा एक सय ३० जना आवद्ध छन् ।