रुपन्देही । रुपन्देहीमा आज जीप दुर्घटना हुँदा श्रीमान श्रीमती र चालकको मृत्यु भएको छ ।
मृत्यु हुनेमा बुटवल उपमहानगरपालिका वडा नं १२ नयाँगाउँका बस्ने ७१ वर्षीय तिलकराम खनाल, उनकी श्रीमती ६७ वर्षीया गौरी खनाल र जीप चालक ३२ वर्षीय हरि न्यौपाने छन् ।
गौरी खनाललाइ उपचारका लागि लुम्बिनी प्रादेशिक अस्पताल बुटवल लैजाने क्रममा जीप दुर्घटनामा परेको इलाका प्रहरी कार्यालय बुटवलका प्रहरी नायब उपरीक्षक विजयराज पण्डितले जानकारी दिए ।
डीएसपी पण्डितका अनुसार लु२च २४८० नम्बरको जीप पुलको डिभाइडरमा ठोक्किएर दुर्घटना भएको हो ।
जीप पुल पार गरिसकेपछिको मोडमा दुर्घटनामा परेको उनले बताए । दुर्घटनाबारे अनुसन्धान भइरहेको प्रहरीले जनाएको छ ।
