मनकामना केवलकार पुस १ र २ गते बन्द हुने

पोखरा । मर्मत सम्भारका लागि मनकामना केबलकार दुई दिन बन्द हुने भएको छ ।

पुस १ र २ गते सेवा बन्द गरी मर्मत सम्भार गरिने मनकामना दर्शन प्रालिका नायब प्रबन्धक उज्वल शेरचनले जानकारी दिए ।

टावरको मर्मत सम्भारका लागि दुई दिन केबलकार सेवा बन्द गर्न लागिएको बताइएको छ ।

पुस ३ गते बुधबारदेखि नियमित सञ्चालन गरिने शेरचनले बताए । सो अवधिभर ‘वटम स्टेशन’ स्थित रेष्टुरेन्ट सेवा भने यथावत् रूपमा सञ्चालन हुने मनकामना दर्शन प्रालिले जनाएको छ ।

गोरखाको सहिद लखन गाउँपालिकास्थित प्रसिद्ध धार्मिकस्थल मनकामना मन्दिर जाने दर्शनार्थीलाई सहज बनाउने उद्देश्यले नेपालमा पहिलो पटक विसं २०५५ मङ्सिर ८ गतेदेखि मनकामना केबलकार सञ्चालनमा ल्याइएको हो । केबलकारको प्रवेशद्वार वटम स्टेशन चितवनको इच्छकामना गाउँपालिका-४ चेरेसमा पर्दछ ।

केवलकारलाई केही महिना अघिमात्र नयाँ प्रविधिमा रुपान्तरण गरिएको हो ।