एमाले पोखरा-९ को अध्यक्षमा सरु

पोखरा । नेपाल कम्युनिस्ट पार्टी (एमाले) वडा कमिटी पोखरा-९ को अध्यक्षमा सरस्वती श्रेष्ठ सरु निर्वाचित भएकी छन् । पार्टीको दोस्रो वडा अधिवेशनले सरुको नेतृत्वमा ३३ सदस्यीय नयाँ वडा कमिटी चयन गरेको हो ।

कमिटीको उपाध्यक्षमा बाबुराम श्रेष्ठ, सचिवमा कृष्ण परियार, उपसचिवमा ध्रुवबहादुर थापा र लेखमाया थापा चयन भएका छन् ।

कार्यक्रममा नेकपा एमाले केन्द्रीय सदस्य तथा गण्डकी प्रदेशसभा पूर्व सदस्य प्रभा कोइरालाले नेकपा एमालेका कार्यकर्ता जनताको समस्यालाई आफ्नो मानेर साथ र सहयोग गर्नु पर्ने बताइन् ।

कार्यक्रममा एमाले गण्डकी प्रदेश कमिटी सचिवालय सदस्य चन्द्रबहादुर रोका, कास्की जिल्ला सदस्य कमलबहादुर श्रेष्ठ, पोखरा महानगर कमिटी अध्यक्ष जीवन आचार्य, सदस्य जगदीश खनाललगायतले बोलेका थिए ।

वडा कमिटी अध्यक्ष प्रेमबहादुर गुरुङको अध्यक्षतामा भएको कार्यक्रममा स्वागत केशव भुजेलले र सञ्चालन कृष्ण परियारले गरेका थिए ।