आज पोखराको मौसम धुम्म, चिसो बढ्यो

पोखरा । पोखराको मौसम बिहानैदेखि धुमिलिएको छ । जसका कारण अन्य दिनको तुलनामा आज बढी चिसो महसूस भएको छ ।

आज बिहान करिब ८ बजे पोखराको तापक्रम ७ डिग्री सेल्सियस रहेकाे छ ।

आज कोशी प्रदेशको एक/दुई ठाउँमा हल्का वर्षा र हिमपातको सम्भावना छ । कोशीमा मौसम आंशिक बदली भएको छ ।

जल तथा मौसम पूर्वानुमान महाशाखाका अनुसार आज कोशीका एक-दुई ठाउँमा छिटपुट वर्षा र हिमपात भए पनि अरु ठाउँमा पानी पर्ने सम्भावना छैन ।

गण्डकी, बाग्मती र सुदूरपश्चिम प्रदेशका हिमाली तथा पहाडी क्षेत्रमा आंशिक बदली रहने अनुमान गरिएको छ ।

तराई क्षेत्रमा आज बिहान हुस्सु लागेको महाशाखाले आफ्नो बुलेटिनमा उल्लेख गरेको छ ।

महाशाखाका अनुसार पश्चिम क्षेत्रका लुम्बिनी, कर्णाली र सुदूरपश्चिममा सोमबारदेखि मौसममा केही फेरबदल आउन सक्ने सम्भावना छ ।