टिकटक बनाउने क्रममा चिप्लिएर खोलामा खसेका रविना र सुस्मिताको मृत्यु

तेह्रथुम । तेह्रथुमममा टिकटक बनाउने क्रममा खाेलामा खसेर दुई जनाको मुत्यु भएको छ ।

मृत्यु हुनेमा मेन्छ्यायेम गाउँपालिका वडा नं ५ स्थित गौखुरी माविमा कार्यरत २३ वर्षीया नर्स रविना राजवंशी र सोही विद्यालयमा कक्षा ७ मा अध्ययनरत १३ वर्षीया सुस्मिता भट्टराई छन् ।

उनीहरु शनिबार बिदा मनाउन खोरङ्वा खोलामा गएका थिए ।

सोक्रममा खोला किनारमा टिकटक बनाउने क्रममा चिप्लिएर उनीहरु खोलामा खसेका थिए । खोलाले उनीहरुलाई बगाएको थियो ।

अपराह्न खोलामा बगेका उनीहरुको शव साँझ भेटिएको जिल्ला प्रहरी कार्यालयका प्रमुख चिनिमाया तामाङले जानकारी दिइन् ।

शव मृतकका परिवारलाई आइतबार मात्र हस्तान्तरण गरिने उनले बताइन् ।