पोखरामा ‘गेन्स कलेज कन्क्लेभ’

पोखरा । गण्डकी एकेडेमी अफ इन्टरडिस्प्लिनरी स्टडिज (गेन्स कलेज) को आयोजनामा पोखरामा ‘गेन्स कन्क्लेभ’ सम्पन्न भएको छ ।

एमबीए सफल उद्यमशील यात्रा वा रोजाइको पेशागत करिअरका लागि प्रभावकारी साधन बनाउने उद्देश्यका साथ कन्क्लेभ आयोजना गरिएको हो ।

कन्क्लेभले प्रतिष्ठित र प्रमाणित अगुवा व्यक्तित्व र अभ्यासकर्तालाई एकै ठाउँमा ल्याएर शिक्षा, उद्यमशीलता र पेशागत बीच समन्वय गराउने विश्वास छ ।

गेन्सका अध्यक्ष भरतराज गौतमको अध्यक्षतमा भएको कार्यक्रमको सहजीकरण गेन्स कलेजका प्रमुख विजय आनन्द शर्माले गरेका थिए ।

‘एमबीए आकांक्षीले भविष्यका उद्यमी वा व्यावसायिक पेशागतहरुको रुपमा देख्छन्’, शर्माले भने, ‘शिक्षा र उद्यमशीलता वा रोजगारबीचको अन्तरक्रियाको बारेमा आफ्नो बुझाई बढाउन खोज्नेका लागि कन्क्लेभ महत्वपूर्ण हुन्छ ।’

अध्यक्ष गौतमले गेन्सले शैक्षिक सिद्धान्त र व्यावहारिक उपयोग बीचका दुरीलाई नजिक्याउने र एमबीएलाई संसारका मागसँग मिलाउन, उद्यमशीलतासम्बन्धी सफलता कथा र चुनौती समाधानका रणनीति साझा गरेर नवीनतको प्रेरणा दिन प्रयास गरेको बताए ।

उनले रोजगारीका प्रवृत्ति पहिचान गरि भविष्यका लागि तयार हुँदै गएको जनशक्तिलाई आफ्नो भविष्य निर्माणका लागि सही जग बसाल्न प्रेरित गर्ने गेन्सको उद्देश्य रहेको स्पष्ट पारे ।

कन्क्लेभमा आहार विशेषज्ञ (डनइटिसियन) विद्या रघुनाथन कायस्थ, आइटी विशेषज्ञ एवं वेदा एपका सीईओ निरदेश द्वा र ट्यालेन्ट कनेक्ट्सका सीईओ दिवश थापा प्रमुख वक्ताका रुपमा सहभागी थिए ।

कन्क्लेभमा दिवस थापा, विनोद आचार्य, एन्जिला सुवेदी, कीर्ति भट्टराईलगायतले जिज्ञाशा राखेका थिए ।

गेन्स कलेजका संस्थापक एवं हिसान गण्डकीका अध्यक्ष डा. रामजी शर्माले गेन्सले हरेक युवालाई जागिर खोज्दै भौतारिने नभई उद्यमशील बनाउने बताए ।

उनले पोखरालाई शैक्षिक हब बनाउने र विदेशका विद्यार्थीको ध्यान पोखरामा आकर्षित गर्ने लक्ष्यसहित आफूहरु अघि बढेको स्पष्ट पारे ।

पोखरा-३ नदीपुरस्थित गेन्समा एमबीए, बीबीए र बीएससी सीसीट अध्ययन अध्यापन हुँदै आएको छ ।