पोखरा । पोखराको फेवातालमा बिहीबार बिहान कार खसेको छ ।
पामेबाट लेकसाइतर्फ आउँदै गरेको ग२च ३३९६ नम्बरको कार बिहान २ः३० बजे पोखरा-६ गैरीचौतारास्थति सडकबाट फेवातालमा खसेको जिल्ला प्रहरी कार्यालयले जनाएको छ ।
सो दुर्घटनामा चालकसहित तीन जना घाइते भएका छन् ।
चालकले मादक पदार्थ सेवन गरी कार चलाएका कारण दुर्घटना भएको प्रहरीको अनुमान छ ।
फेवातालमा खसेको कारलाई आज बिहान क्रेनको सहायताले निकालिएको थियो ।
