भारतका पूर्वप्रधानमन्त्री डा. मनमोहन सिंहको निधन

पोखरा । भारतका पूर्वप्रधानमन्त्री एवं कांग्रेसका दिग्गज नेता डा. मनमोहन सिंहको निधन भएको छ । उनको ९२ वर्षको उमेरमा आज राति ९ः५१ बजे दिल्लीको एम्स अस्पतालमा निधन भएको भारतीय सञ्चारमाध्यमले जनाएका छन् ।

सिंह सन् २००४ देखि २०१४ सम्म भारतको प्रधानमन्त्री बनेका थिए ।

अस्पतालले केहीअघि एक मेडिकल बुलेटिन जारी गर्दै राति नौ बजेर ५१ मिनेटमा सिंहको निधन भएको पुष्टि गरेको बताइएको छ ।

मेडिकल बुटेलिटनमा भनिएको छ, ‘गहिरो शोकको साथ हामी भारतका पूर्वप्रधानमन्त्री डा. मनमोहन सिंहको ९२ वर्षको उमेरमा निधन भएको जानकारी गराउँदछौँ, उहाँ उमेरसँग सम्बन्धित स्वास्थ्य अवस्थाको लागि उपचार गरिरहनुभएको थियो र बिहीबार घरमा अचानक बेहोस हुनुभएको थियो, बेलुकी आठ बजेर ६ मिनेटमा नयाँ दिल्लीको एम्समा मेडिकल इमर्जेन्सीमा ल्याइएकोमा सबै प्रयासका बाबजुद राति नौ बजेर ५१ मिनेटमा मृत घोषणा गरियो ।’