स्याङ्जाका विष्णुप्रसाद भट्टराई कांग्रेसको स्वास्थ्य विभाग सदस्यमा मनोनित

पोखरा । नेपाली कांग्रेसले स्वास्थ्य विभागमा १० सदस्य मनोनयन गरेको छ ।

पार्टी सभापति शेरबहादुर देउवाले पार्टीको विधान २०१७ (संशोधनसहित) को धारा २५ (९) बमोजिम पार्टीका केन्द्रीय सदस्य डा चन्द्रमोहन यादव प्रमुख रहेको उक्त विभागमा बिहीबार १० सदस्य मनोनयन गरेका हुन् ।

जसमा स्याङ्जाका विष्णुप्रसाद भट्टराईसहित छन् ।

यसैगरी डा लक्ष्मीराज पाठक (कैलाली), डा मुक्तिराम श्रेष्ठ (अर्घाखाँची), डा अनिलकुमार झा (सप्तरी), डा सुमन कर्माचार्य (रामेछाप), डा सुशीलनाथ प्याकुरेल (ललितपुर), श्यामचन्द्र यादव (धनुषा), ईश्वर कार्की (झापा), पूजा फुँयाल (सोलुखुम्बु) र वुधिसरा सुनुवार (सुर्खेत) लाई मनोनयन गरेको कांग्रेस केन्द्रीय कार्यालयका मुख्यसचिव कृष्णप्रसाद पौडेलले जानकारी दिए ।