पृथ्वीराजमार्गमा माइक्रोबस दुर्घटना, चालकसहित १२ जना घाइते

पोखरा । काठमाडौंबाट नारायणगढ आउँदै गरेको माइक्रोबस पृथ्वीराजमार्गअन्तर्गत धादिङको गल्छीमा दुर्घटना भएको छ ।

सो दुर्घटनामा चालकसहित १२ यात्रु घाइते भएका छन् । धादिङको गल्छी गाउँपालिका वडा नं ७ गल्छीमोडमा बा२ख २८२९ नम्बरको हाइस दुर्घटना भएको प्रहरीले जनाएको छ ।

इलाका प्रहरी कार्यालय गजुरीका प्रहरी प्रमुख डिल्लीनारायण पाण्डेका अनुसार घाइतेमध्ये सात जना सामान्य उपचारपछि थप उपचारका लागि काठमाडौं लगिएको छ ।

पाँच जनाको स्थानीय अस्पतालमा उपचार भइरहेको छ । माइक्रोबस घुम्ती कट्ने बित्तिकै सडककाे भित्तामा ठाेक्किएकाे थियाे । दुर्घटनाबारे अनुसन्धान भइरहेको पाण्डेले बताए ।