दक्षिण कोरियामा विमान दुर्घटना, एक सय ७९ जनाकाे मृत्यु

पाेखरा । दक्षिण कोरियामा आज बिहान भयानक विमान दुर्घटना भएको छ । कोरियाको योनहाप समाचार एजेन्सीका अनुसार साे दुर्घटनामा एक सय ७९ जनाकाे मृत्यु भएको बताइएकाे छ ।

विमानमा एक सय ८१ यात्रु रहेकाे शंका गरिएको छ ।

अहिलेसम्म ८५ जनाको शव फेला परेको जनाइएको छ । दुइ जनाको जीवितै उद्दार भएको छ । अन्य ९४ जनाको उद्दार प्रयास भइरहेको जनाइएको छ ।

विमान धावनमार्गबाट ​​बाहिर निस्केको र देशको दक्षिण पश्चिममा रहेको मुआन अन्तर्राष्ट्रिय विमानस्थलको पर्खालमा ठोक्किन पुगेको थियो ।

समाचार अनुसार एक सय ७५ यात्रु र छ जना उडान परिचर बोकेको जेजु एयरको विमान थाइल्याण्डबाट फर्किएको थियो । विमान अवतरण गर्ने क्रममा दुर्घटना भएको बताइएको छ । उद्दार कार्य जारी रहेको जनाउँदै सो समाचार एजेन्सीले पूर्ण विवरण नआइसेको जनाएको छ ।