पेट्रोल र डिजेलको मूल्य बढ्यो, नयाँ मूल्य लागू

पोखरा । पेट्रोलियम पदार्थको मूल्य समायोजन भएको छ । नेपाल आयल निगमले बुधबार राति १२ बजेदेखि लागु हुने गरी पेट्रोल एक र डिजेलमा दुई रुपैयाँ मूल्य बढाएको हो ।

त्यस्तै आन्तरिक हवाई इन्धनको मूल्य प्रतिकिलोलिटर दुई रुपैयाँ तथा अन्तर्राष्ट्रिय हवाई इन्धनप्रति प्रतिकिलोलिटर १५ डलरले घटाइएको छ ।

अब पेट्रोलको मूल्य काठमाडौँ तथा पोखरामा १६३ रुपैयाँ, सुर्खेत र दाङमा एक सय ६२ रुपैयाँ र बाँकी क्षेत्रमा एक सय ६० रुपैयाँ ५० पैसा कायम भएको छ ।

त्यस्तै, डिजेलको मूल्य काठमाडौँ तथा पोखरामा एक सय ५३ रुपैयाँ, सुर्खेत र दाङमा एक सय २२ रुपैयाँ र बाँकी क्षेत्रमा एक सय ५० रुपैयाँ ५० पैसा कायम भएको छ ।

आन्तरिक हवाई इन्धन प्रतिलिटर एक सय २६ रुपैयाँ तोकिएको छ भने अन्तर्राष्ट्रिय हवाई इन्धनको काठमाडौँमा नौ सय ६०, भैरहवामा सात सय ९३ र भैरहवामा सात सय ७८ अमेरिकी डलर कायम गरिएको छ ।