पोखरामा घटेन चिसो, कति छ तापक्रम ?

पोखरा । हाल देशमा पश्चिमी वायुको सामान्य प्रभाव रहेको छ । जसको प्रभावले पोखरामा चिसो कायमै छ ।

गण्डकी प्रदेशको राजधानी पोखरामा आज बिहान करिब ६ः३० बजेको तापक्रम करिब ७ डिग्री सेल्सियस छ भने १९ डिग्री सेल्सियस पुग्ने अनुमान गरिएको छ ।

साथै तराईका धेरै स्थानमा हुस्सु तथा कुहिरो लागेको छ । साथै देशको उच्च पहाडी तथा हिमाली भूभागमा आंशिक बदली रहेको छ ।

आज दिउँसो र राति गण्डकी, बागमती र सुदूरपश्चिम प्रदेशमा आंशिक बदली रहने सम्भावना छ । अन्यत्र मौसम सामान्यतया सफा रहनेछ ।

बिहानको समयमा तराई तथा उपत्यका धेरै स्थानहरूमा हुस्सुको सम्भावना रहेकोले दैनिक जनजीवन, स्वास्थ्य, यातायात तथा हवाई उडानमा असर पर्न सक्ने हुनाले आवश्यक सतर्कता अपनाउन महाशाखाले अनुरोध गरेको छ ।