पोखराको त्रिवेणी इन्टरनेशनल कलेजमा भट्टराई, आइपीओकाे प्रक्रिया अघि बढाइने

पोखरा । पोखरा महानगरपालिका वडा नं २७ स्थित त्रिवेणी इन्टरनेशनल कलेजको सञ्चालक समिति अध्यक्षमा सुमन भट्टराई चयन भएका छन् ।

समितिको नवौँ वार्षिक साधारणसभा तथा तेस्रो अधिवेशनले भट्टराईलाई सर्वसम्मत चयन गरेको हो ।

सञ्चालकमा बलराम ढकाल, भरतकुमार अधिकारी, यदुराज आचार्य, मधुसुदन सापकोटा, हरिबहादुर बुढाथोकी, सोमनाथ बास्तोला, शान्ति खनाल र विनोद लामिछाने छन् ।

सञ्चालक समितिले मुक्तिनाथ सापकोटालाई कम्पनी सचिवमा नियुक्त गरेको छ ।

यसैगरी राजेन्द्रमणि लामिछाने, बाबुराम गिरी, छत्रधर आत्रेय, विष्णुप्रसाद बराल र लोकराज ढकाललाई सल्लाहकारमा चयन गरेको छ ।

कलेजले त्रिभुवन विश्वविद्यालयबाट गुणस्तर सुनिश्चितताको प्रमाणपत्र प्राप्त गरेपछि अध्ययनका लागि नयाँ कार्यक्रम थप गर्ने जनाएको छ ।

यसैगरी आवश्यक पूँजी जुटाउन सर्वसाधारणमा आइपीओ जारी गर्न सम्भाव्यता अध्ययनका लागि समिति गठन गर्ने भएको छ ।