पोखरामा भिन्तुना एमेच्योर फुटसल प्रतियोगिता हुने

पोखरा । भिन्तुना युवा क्लब पोखरा-३ तेर्सापट्टीको आयोजनामा भिन्तुना एमेच्योर फुटसल प्रतियोगिता हुने भएको छ ।

प्रतियोगिता यही पुस २६ र २७ गते गैह्रापाटनस्थित स्पोट्र्स क्यासलमा हुनेछ ।

प्रतियोगिता विजेताले एक लाख ११ हजार एक सय ११ रुपैयाँ, उपिवजेताले ५५ हजार पाँच सय ५५ रुपैयाँसिहत ट्रफी, मेडल प्रमाणपत्र प्राप्त गर्ने अर्थ संयोजक राजन श्रेष्ठले जानकारी दिए ।

साथै उत्कृष्ट खेलाडी, उत्कृष्ट गोलकिपर, सर्वाधिक गोलकर्ता, उत्कृष्ट डिफेन्डर र फेयर प्ले टिमले जनही पाँच/पाँच हजार रुपैयाँ नगद पुरस्कार पाउने छन् ।

प्रतियोगितामा क्वाटरफाइनलपछि हरेक खेलको म्यान अफ दि म्याचलाई एक हजारसहित ट्रफी प्रदान गरिने उनले बताए ।

प्रतियोगितामा सहभागी हुने टिमका लागि दर्ता शुल्क छ हजार रुपैयाँ तोकिएको आयोजकले जनाएको छ ।

आयोजक भिन्तुना युवा क्लब २०५९ सालमा स्थापना भएको हो ।