टाइगर कप : पहिलो खेलमा ट्राभल इन्क्वारीमाथि एपिएफको पुनरागमन जित

  • पोखरा न्यूज
  • २०८१ माघ १२
टाइगर कप :  पहिलो खेलमा ट्राभल इन्क्वारीमाथि एपिएफको पुनरागमन जित

पोखरा । एनसेल पाँचौं टाइगर कप राष्ट्रिय तथा अन्तर्राष्ट्रिय क्लब महिला तथा पुरुष भलिबल प्रतियोगिताको पहिलो खेलमा शसस्त्र प्रहरी बल (एपिएफ) ले ट्राभल
इन्क्वारी युनाइटेड प्यासन भलिबल क्लब थाइल्याण्डलाई पराजित गरेको छ ।

टाइगर ग्रुप अफ पोखरा नेपालको आयोजनामा पोखरा रंगशालास्थित भलिबल कोर्टमा भएको पहिलो खेलमा एपिएफले ३–२ सेटले खेल आफ्‌नो पक्षमा
पारेको हो । पहिला दुई सेट गुमाएको एपिएफले उत्कृष्ट पुनरागमन गर्दै ३–२ सेटको जित निकाल्न सफल भयो । पहिलो सेटमा १२–७ को एपिएफको अग्रतालाई
उल्टाउँदै ट्राभल इन्क्वारीले आफ्‌नो पक्षमा पारेको थियो ।

इन्क्वारीले दोस्रो सेटमा २५–२० को सहज जित निकालेको थियो । तेस्रो र चौथो सेटमा पुनरागमन गर्दै एपिएफले जित निकाल्दा खेल पाँचौं सेटमा धकेलिएको थियो
। एपिएफले तेस्रो सेट २५–१९ र चौथो सेट २५–२० ले आफ्‌नो पक्षमा पार्‍यो । पाँचौ सेटमा उत्कृष्ट प्रदर्शन गर्दै डिफेन्डिब च्याम्पियन एपिएफले १५–७ को जित निकाल्यो ।

अब हुने दोस्रो खेलमा महिलातर्फ टिपटप न्यू डायमन्ड स्पोर्ट्‌स क्लब र नेपाल पुलिस क्लबले प्रतिस्पर्धा गर्नेछन् । उक्त खेलपछि प्रतियोगिताको उद्घाटन सूचना
तथा सञ्चार मन्त्री पृथ्वीसुब्बा गुरुब गर्नेछन् । उद्घाटन खेल आयोजक महिला टोली र त्रिभुवन आर्मी क्लबबिच हुनेछ ।

आजबाट सुरु भएको पाँचौं संस्करणको टाइगर कप भलिबल १९ गतेसम्म चल्नेछ । प्रतियोगिताको पुरुषतर्फका खेल भने आइतबार हुनेछन् ।



पोखरा सेरोफोरो

ताजा अपडेट

खोजी गर्नुहोस