पोखराको पर्यटन प्रबर्द्धन गर्न ३५ देशका व्लगर पोखरामा

डीएनबी, पोखरा-

पर्यटकिय नगरी पोखराको पर्यटन प्रबर्द्धन गर्न विश्वका ३५ देशका व्लगर (सामाजिक संजाल प्रयोग कर्ता) पोखरामा आएका छन ।

विश्वको उत्कृष्ट गन्तव्यमा पर्ने नेपालको अध्ययन तथा अवलोकन सहित नेपालको पर्यटन प्रबर्द्धन गर्न सोमबार टोली पोखरा आएको हो ।
नेपालको पर्यटकिय स्थलहरुको अवलोकन पश्चात उनीहरुले आ–आफ्नो देशमा नेपालको बारेमा चर्चा परिचर्चा गर्ने तथा सामाजिक संजाल फेसवुक, टुविटर, वेव साईड लगायतका सामाजिक संजालमा नेपालको पर्यटन प्रबर्द्धन गर्न सहयोग पुग्ने भएको पाटा नेपालका अध्यक्ष सुमन पाण्डेले बताए ।

नेपाल पर्यटन वोर्ड, पाटा नेपाल, नेपाल पर्वातारोहण संघको संयुक्त रुपमा आयोजना भएको व्लगरहरुको प्रमोशनल टुरमा सहभागि ३५ देशका ९९ जना नेपालका विभिन्न पर्यटकीय स्थलहरुको अवलोकन गर्दै टोली सोमबार पोखरा आएका हुन ।

अमेरीका देखि भारत, भेतनाम, जापान, क्यानडा, जर्मनी, स्पेन, ईटली लगायतका देशका व्लकर सहित संचारकर्मीहरु समेत सहभागि भएकोले उनीहरुको करिब एक हप्ते नेपाल प्रमोशनल टुरले पर्यटन प्रबर्द्धन हुने पाण्डेले जनाए । नेपाल पर्वातारोहण संघ अन्तर्राष्ट्रिय म्युजियम पोखरामा सोमबार सगरमाथाको चुचुरोमा कम समयमा हिमाल आरोही गरेर विश्व रेकर्ड कायम गरेका काजी शेर्पाले हिमालयनको बारेमा व्लगरहरुलाई जानकारी गराएका हुन ।

५ पटक सगरमाथा आरोहण गरेका शेर्पाले २० घण्टा २४ मिनेटमा सगरमाथा आरोहण गरी विश्व कृतिमान गर्न सफल भएका हुन । पोखरामा धेरै प्राकृतिक श्रोत साधनले धनि भएकोले मानव निर्मीत थोरै पर्यटकीय स्थलहरु रहेको नेपाल पर्वातारोहण संघ अन्तर्राष्ट्रिय म्युजियम पोखराका सन्तविर लामाले बताए ।

व्लगरहरुको एक टोली काठमाण्डौं चितवन लुम्विनी हुदै पोखरा आएको हो भने अर्को समुह काठमाण्डौंबाट पोखरा हुदै ट्रेकिङमा घोरेपानी हुदै पुनः पोखरा फर्किएको हो । उक्त टोली मंगलबार काठमाण्डौं फर्किने भएको हो । अमेरीकाबाट उक्त प्रमोशनल टुरमा सहभागि भएका डिरेक फिरेलले नेपालमा भुकम्प भएपछि नेपाल आयर केही सहयोग गरेको बताउदै यसपाली नेपाल भ्रमणमा आउदा नेपालको धेरै कुराले आकषर्ण गरेको बताए । उनले भने “ नेपालीहरु मलाई धेरै मन पर्छ, नेपाल धेरै राम्रो छ, यहाँ पाईने खानपिन मलाई धेरै परेको छ, नेपालबाट फर्किए पछि अमेरीकामा पुगेर यु–टुपबाट भिडियो सहितको नेपालको पर्यटन प्रबर्द्धन गर्ने छु ।”

सगरमाथा र गौतम बुद्धको देशको नामले नेपाल भन्ने देश चिनेका उनले बताए । भारत गुजरातबाट टोलीमा सहभागि मनोज मेहताले आफुहरु नेपाल पहिलो पटक आएकोले गर्दा अन्य व्यक्तिहरु भन्दा आफूहरुको बसाई दुई साता हुने बताए । काठमाण्डौंको काब्रे पनौती होम स्टे निकै राम्रो  लागेको बताएका उनले साच्चै नेपाल आफुले कल्पना गरे भन्दा धेरै राम्रो रहेको दाबी गरे । काठमाण्डौं, चितवन, लुम्विनी हुदै पोखराका पर्यटकिय स्थलहरुको भ्रमण गरेसंगै त्यहाका बस्तु स्थितीको बारेमा आफुहरुले आफ्नो वेवसाईडमा प्रकासित गर्ने उनले बताए । पोखरा पर्यटन परिषदका अध्यक्ष केदार शर्माले यस्तो प्रमोशनल टुरेले नेपालको पर्यटन प्रबर्द्धनमा थप टेवा पुग्ने विश्वास व्यत्त गरे ।

पश्चिमाञ्चल होटल संघका अध्यक्ष विकल तुलाचनले सुचना प्रविधिको समयमा विश्वका व्लकरहरु नेपाल आउनु निकै राम्रो पक्ष भएको बताए । उनले भने “ विश्वका धेरै मुलुकका व्लकरहरु समुहमा नेपाल भ्रमणमा आउनाले नेपालमा भएको पर्यटकिय स्थलहरुको बारेमा उनीहरुले सामाजिक संजाल मार्फत प्रकासन गर्ने भएकोले आफ्ना फलो समुहलाई यसले प्रभाव पार्दछ। व्लगर समुहलाई नेपालको बारेमा जानकारी हुनु नेपालको पर्यटन प्रबर्द्धनको राम्रो माकेटीङ भएको तुलाचनले बताए ।

सम्बन्धित न्यूज

Leave a Reply

Your email address will not be published. Required fields are marked *

Back to top button