पोखरा ०२, फागुन । पोखराको फेवातालमा कार खस्दा एक युवकको ज्यान गएको छ ।
सशस्त्र प्रहरी बल कालिका गणका अनुसार गए राती करिब २ बजे भएको दुर्घटनामा परेर स्याङ्जा फेदीखोला -५ घर भई पोखरा-७ मासबार बस्ने वर्ष २४ का अदित गुरुङले ज्यान गुमाएका हुन् ।
पोखरा पामे सडकको गैह्राको चौतारा नजिक कार दुर्घटना भएको खबरपछि कालिका गणका गणपति वसन्त बहादुर सिंहको कमान्डमा गोताखोरसहितको २१ जनाको टोली उद्धारमा खटिएको थियो ।
तालबाट गुरुङलाई अचेत अवस्थामा तालबाट उद्धार गरी अस्पताल पठाएकोमा उपचारको क्रममा करिब साढे ४ बजे डाक्टरले मृत घोषणा गरेको प्रहरीले जनाएको छ ।
तालमा खसेको बीएए १५८२ नम्बरको कारलाई क्रेनको सहायताले घटनास्थलबाट बाहिर निकाली थप अनुसन्धान भइरहेको प्रहरीले उल्लेख गरेको छ ।
