काठमाडौँ क्षेत्र नं १ मा नेपाली काँग्रेसका नेता प्रकाशमान सिंह विजयी भएका छन् ।
शनिबार बिहान घोषणा भएको मतपरिणामअनुसार नेता सिंह आफ्ना निकटम प्रतिद्वन्द्वी विवेकशील साझा पार्टीका रवीन्द्र मिश्रलाई ८१८ मतले पछाडि पार्दै विजयी भएका हुन् ।
चुनाव जितेर आफ्नो पार्टीलाई राष्ट्रिय पार्टी बनाउने रणनीति बनाएका मिश्रले कांग्रेस नेता सिंहलाई सुरुदेखि नै पछ्याइरहे पनि जित्न सकेनन् ।
काँग्रेस नेता सिंहले १० हजार ९सय ३६, विवेकशील साझाका मिश्रले १० हजार १सय १८ र वाम गठबन्धनका अनिल शर्माले ५ हजार ३ सय ३६ मत प्राप्त गरेका हुन् ।
प्रकाशमान सिंहको जितसँगै प्रतिनिधिसभामा नेपाली कांग्रेसले जितको पहिलो खाता खोलेको हो । काठमाडौं १ बाटै कांग्रेसले विजयी सुरुआत गरेको छ ।