कास्की क्षेत्र नम्बर १ ख मा नेकपा एमालेका मन बहादुर गुरुङ बिजयी भएका छन ।
वाम गठवन्दन अन्तर्गतका नेकपा एमालेका उम्मेदवार गुरुङले चार हजार १४७ मत अन्तरले लोकतान्त्रिक गठबन्धन अन्तर्गत नेपाली कांग्रेसका उम्मेदवार कृष्ण केसीलाई पराजित गरेका हुन।
गुरुङले १७ हजार २ सय ४९ मत ल्याउदा केसीले १३ हजार १ सय २ मत ल्याएका हुन।
प्रतिनिधिसभाका ३ र प्रदेशसभाका ६ सिट गरि कुल ९ सिट रहेको कास्कीमा एमालेले तिन सिट हात परेको छ भने कांग्रेसले १ सिट जितेको छ । भने अन्य ५ सिटमा वाम गठवन्दनले अग्रता कायम गरेको छ ।
यसअघी कास्कीमा प्रदेशसभा क्षेत्र नम्बर २ ख बाट नेपाली कांग्रेसका बिन्दु कुमार थापा र कास्की क्षेत्र नम्मर २ क बाट नेकपा एमालेका कृष्ण थापा तथा प्रतिनिधि सभा क्षेत्र नम्बर २ मा एमालेका रबिन्द्र अधिकारी बिजयी भईसकेका छन ।
