दीननाथ बराल, पोखरा न्यूज – १०, असोज । गण्डकी प्रदेश सरकारले घटस्थापनाको दिन १२ गते आइतबार सार्वजनिक बिदा दिने निर्णय गरेको छ । विहिबार बसेको मन्त्रिपरिषद्को बैठकले उक्त निर्णय गरेको मुख्य सचिव हरिप्रसाद बस्यालले बताए ।
घटस्थापनाको दिनमा यस अघि नेपाल सरकारले सार्वजनिक विदा दिदै आएको थियो । नेपालीहरुको महान पर्वको अवसरमा केही संघ संस्थाहरुले घटस्थापनाको दिनमा सार्वजनिक बिदा दिन माग गरे अनुसार प्रदेश सरकारले घटस्थापनामा सार्वजनिक बिदा दिएको हो ।