पोखरा । पोखराको फेवातालमा मृत फेला परेका एक युवकको पहिचान खुल्न नसकेको प्रहरीले जनाएको छ ।
गत बैशाख २६ गते दिउसो २ :३० बजेको समयमा फेवातालमा पौडी खेल्दै गर्दा बेपत्ता भएका उनको करिव २ घण्टापछि शव फेला परेकोमा हालसम्म पहिचान खुल्न नसकेको कास्की प्रहरीले उल्लेख गरेको छ ।
गहुँगोरो वर्णको आर्यन अनुहार भएको, ठिक्कको शरिर भएको, कालो लामो कपाल पालेको, हल्का दाह्री जुँगा पालेको अन्दाजी २२/२५ वर्षको जस्तो देखिने युवकको शव फेला परेकोले कोही आफन्त वा चिनजानको व्याक्ति भए जिल्ला प्रहरी कार्यालय कास्कीमा सम्पर्क गर्न कास्की प्रहरीले आग्रह गरेको छ ।
प्रहरीले मृतकको सनाखतको लागी आवश्यक सहयोग गर्न सबैलाई अनुरोध समेत गरेको छ।
मृतकको शव पश्चिमाञ्चल क्षेत्रीय अस्पतालको शब् घरमा राखिएको छ ।
Yo Vai ko morang belbari ko ho name Prakash budathoki ho
He is from morang belbari letang