पोखरा । गण्डकी प्रदेशका थप २४ जनामा कोरोना संक्रमण पुष्टि भएको छ ।
नवलपरासी जिल्ला (बर्दघाट सुस्ता पूर्व) का १२ पुरुष म्याग्दीका १ जना पुरुष र बागलुङका ११ जना पुरुषमा कोरोना संक्रमण देखिएको स्वास्थ्य निर्देशनालय गण्डकीले जनाएको छ ।
नवलपरासी बौदीकाली गाउँपालिकाको क्वारेन्टिनमा रहेका ४०, १९, ३०, १८, २२, २१, १९, २२, ४०, २०, १८ र ३० का १२ जना पुरुष, म्याग्दीको बेनी नगरपालिकाको क्वारेन्टिनमा रहेका ४६ बर्षीय पुरुष, बाग्लुङको निसीखोला गाउँपालिकाको क्वारेन्टिनमा रहेका २१, २६ र २७ का ३ जना पुरुष तथा बरेङ गाउँपालिकाको क्वारेन्टिनमा रहेका २४, २२, १८, २४, १८, ४९, २३ र २७ का ८ जना पुरुषमा कोरोना संक्रमण देखिएको निर्देशनालयका निर्देशक डा. विनोद विन्दु शर्माले जानकारी दिए ।
संक्रमित व्यक्तिहरुलाई अहिले सम्बन्धित जिल्लाको सरकारी अस्पतालको आइसोलेसन कक्षमा लैजाने तयारी भएको निर्देशक शर्माले उल्लेख गरेका छन् ।
यो संगै गण्डकी प्रदेशमा कोरोना संक्रमितको संख्या १ सय ४४ पुगेको छ ।
गण्डकी प्रदेशमा हालसम्म बागलुङमा ३७ जना पुरुष तथा ३ महिला , स्याङ्जाका ३७ जना पुरुष तथा १ महिला, नवलपरासी बर्दघाट सुस्ता पूर्वकका ३२ जना पुरुष तथा २ महिला, लमजुङका १ जना, म्याग्दीका ३ जना पुरुष र तनहुँका ३ जना पुरुष, पर्वतका ९ जना पुरुष, गोरखाका ११ जना पुरुष तथा कास्कीका ५ जना पुरुषमा कोरोना संक्रमण पुष्टि भएको छ । प्रदेशमा संक्रमण देखिने जिल्लाको संख्या ९ रहेको छ ।
संक्रमित मध्ये बागलुङका २ जना महिला तथा लमजुङका १ बालक निको भइ घर फर्किसकेका छन् ।
गण्डकी प्रदेशमा कोरोनाका कारण एक जनाले ज्यान गुमाएका छन् । पोखराको पश्चिमाञ्चल क्षेत्रीय अस्पतालको आइसोलेसन कक्षमा उपचार गराइरहेका स्याङ्जाको वालिङ नगरपालिकाका ६० बर्षीय व्यक्तिको आइतबार राति कोरोनाका कारण मृत्यु भएको हो ।
