पाेखरा न्यूज । काठमाडौंको प्रदर्शनीमार्गस्थित रत्नराज्य लक्ष्मी (आरआर) क्याम्पसमा परीक्षार्थीबाट शिक्षक कुटिएका छन् ।
क्याम्पसका उपप्राध्यापक ऋषिकेश दाहालकाअनुसार चिट चोर्न रोक्दा कलेजमा शिक्षक प्रकाश पुडासैनीमाथि आक्रमण भएको हो । उहाँको टाउकोमा सात टाँका लगाउन परेको दाहालले जनाउनु भएकाे छ । पुडासैनीको मोडल अस्पतालमा उपचार भइरहेको छ ।
कुटपिटका प्रत्यक्षदर्शीमा अर्का उपप्राध्यापक जगत नेपालले कक्षा सकेर निस्किँदा आरआरमा एक विद्यार्थीले शिक्षकलाई निर्घात कुटेको देखेको बताउनु भयाे । ‘मेरो आँखै अगाडि घटना भयो,’ उहाँले भन्नुभयाे ।
उहाँकाअनुसार घटनाबारे अहिले विद्यालय प्रशासनमा छलफल भइरहेको छ । शिक्षक पुडासैनीलाई कुट्ने परीक्षार्थी कुँवेर जेठारा हुन् । घटनापछि आजको परीक्षा स्थगित भएको छ ।
