विश्वप्रकाश शर्मापछि गगन थापा पुगे सिटौला निवास

पाेखरा न्यूज । नेपाली कांग्रेसका महामन्त्री गगन थापा नेता कृष्णप्रसाद सिटौला निवास पुग्नुभएकाे छ । पार्टीको १४औं महाधिवेशनमा महामन्त्रीमा निर्वाचित भएको एक सातापछि थापा मंगलबार नेता सिटौला निवास पुगेर आशीर्वाद माग्नुभएकाे छ ।

कांग्रेसको १३औं महाधिवेशनमा थापा र सिटौला एउटै समूहमा हुनुहुन्थ्याे । सिटौला सभापति र थापा महामन्त्रीका उम्मेदवार हुनुहुन्थ्याे । दुवै पराजित हुनुभयाे । त्यसयता थापा सिटौला समूहबाट रामचन्द्र पौडेल समूहमा लाग्नुभयाे । १४औं महाधिवेशनमा थापा डा.शेखर कोइराला समूहबाट महामन्त्रीमा उम्मेदवारी दिनुभयाे । र, तीन हजारभन्दा बढी मत ल्याएर चुनाव जित्नुभयाे ।

महामन्त्री थापाले आशीर्वाद मागेपछि सिटौलाले पार्टीलाई एकढिक्का बनाएर लैजान सुझाव दिनुभएकाे छ । उहाँले विगतका तितामिठा कुरा बिर्सेर काम गर्न सल्लाह दिनुभएकाे थियाे ।

आइतबार मात्रै कांग्रेसका अर्का महामन्त्री विश्वप्रकाश शर्मा नेता सिटौला निवास पुगी आशीर्वाद माग्नुभएकाे थियाे । सिटौलाले आशीर्वाद दिँदै यो भन्दा पनि माथि पुग्नु भनेर आशीष दिनुभएकाे थियाे ।

सम्बन्धित न्यूज

Leave a Reply

Your email address will not be published. Required fields are marked *

Back to top button