यात्रुवाहक बसमा करेन्ट प्रवाह हुँदा दुईजनाको मृत्यु

सल्यानमा यात्रुवाहक बसमा करेन्ट प्रवाह हुँदा दुई जनाको मृत्यु भएको छ ।

सल्यानको कपुरकोट-३ चोरखोला स्थित राप्ती राजमार्गमा दाङको तुलसीपुरबाट रोल्पाको दलसिंगे जाँदै गरेको रा १ ख ८३४ नम्बरको बसमा करेन्ट प्रवाह भएको हो । बसले ३३ के. भि. प्रसारण लाईनको पोलको तार छुँदा बसमा सवार मध्ये २ जनाको घटनास्थलमा मृत्यु भएको जनाइएको छ ।

मृतक बाबुछोरा भएको बताइएपनि पहिचान भने खुलेको छैन । घटनाबारे थप बिबरण आउन बाँकी रहेको छ ।