पोखरा । केन्याली धावक जुलियस मुरिला वाहोमले १८ औँ संस्करणको सफल पोखरा म्याराथनको उपाधि जितेका छन् ।
वाहोमल निर्धारित ४२.१९५ किलोमिटरको दूरी उनले २ घण्टा १९ मिनेट ३६ सेकेन्डमा पूरा गर्दै उपाधि आफ्नो पोल्टामा पारेका हुन् । जीतसँगै उनले पाँच लाख रुपैयाँ पुरस्कार प्राप्त गर्नेछन् । उनी अघिल्लो वर्षका उपविजेता हुन् ।
यस्तै, दोस्रो र तेस्रो उपाधि पनि केन्याकै इसाक किहारा कामिरी र इड्वीन किप्लागेटले जितका छन् ।
कामिरीलले २ घण्टा २० मिनेट ५ सेकेन्डमा र किप्लागेटले २ घण्टा २० मिनेट ४५ सेकेन्डमा दूरी पूरा गरेका हुन् ।
दोस्रो भएका कामिरी ३ लाख र तृतीय भएका किप्लागेटले २ लाख रुपैयाँ पुरस्कार जिते ।
सान्त्वना स्थानमा नेपाली धावक किरण बोगटीले जितेका छन् ।
उनले निर्धारित दूरी २ घण्टा २४ मिनेट २ सेकेन्डमा पूरा गरेका हुन् । उनले ३० हजार रुपैयाँ प्राप्त गरेका छन् ।
