सहिद स्मृति विद्यालयमा स्पोट्र्स मिट

पोखरा, २८ पौष –

पोखराको मझेरीपाटनस्थित सहिद स्मृति आवासीय उच्च माविमा बुधबारदेखि स्पोट्र्स मिट हुने भएको छ । विद्यालयको वार्षिक कार्यक्रम अनुसार बुधबार र बिहीबार बृहत् खेलकुद प्रतियोगिता हुने भएको हो ।

स्पोट्र्स मिटमा छात्र तथा छात्रा आठ किलोमिटर दौड, तेक्वान्दो, भलिबल, फुटबल, कबड्डी, रिले दौड, बेलुन फुटाई र घैंटो फुटाई प्रतियोगिता समावेश गरिएको विद्यालयका लेखा तथा प्रशासन सहायक जीवन अधिकारीले जानकारी दिए । स्पोट्र्स मिटकै अवसरमा विविध साँस्कृतिक कार्यक्रम पनि प्रस्तुत गरिने उनले बताए।

करिब २९० विद्यार्थी अध्ययनरत विद्यालयले उच्च मावितर्फ विज्ञान, व्यवस्थापन र मानविकी संकायमा अध्यापन गराउँदै आएको छ ।

सम्बन्धित न्यूज

Leave a Reply

Your email address will not be published. Required fields are marked *

Back to top button