गणेश वराल,
पोखरा –
पोखरा जगदम्बा ट्राभल्सले पोखरा -काठमाण्डौ रुटमा आधुनिक मेकानिकल शौचालय सहितको VIP डिलक्स वस संचालनमा ल्याउने भएको छ । ट्राभल्सले यहि मंसिर २७ गते देखि ३० वटा स्लीपर सिट युक्त सुबिधासम्पन्न रात्रिवस संचालनमा ल्याउन लागेको जानकारी मंगलवार पत्रकार सम्मेलन मार्फत दिएको हो । जगदम्बा ट्राभल्सले पोखरा -काठमाण्डौ रुटमा दिवाकालिन समयमा यसअघिनै सुबिधासम्पन्न गाडी संचालनमा ल्याएको भएता पनि रात्रीकालिन समयमा भने पहिलोपटक यस्तो सुबिधासम्पन्न बस संचालनमा ल्याउन लागेको हो ।
पृथ्बीराजमार्ग वस संचालक समितिद्धारा संचालन भएको उक्त ट्राभल्सले काठमाण्डौ पोखरा यात्रा गर्ने यात्रुहरुको सुविधालाई मध्यनजर गर्दै बस भित्रै हाइ-टी, स्लीपर सिट, बल्याङ्गकेट, शौचालय,वस होष्टेज, ब्रेकफास्ट,फेस टावेल, मिठाई, पत्रपत्रिका जस्ता सुविधा सहित रात्रिबस संचालनमा ल्याउन लागेको ट्राभल्सका संचालक केशवराज अधिकारीले वताए । उनले भने “ हामीले यात्रुहरुले घरवाट अथवा आफ्नो प्रस्थान स्थानवाट बेलुकाको खाना खाइ, आफ्नो सुत्ने ६ घन्टाको समयमा निन्द्रा पूर्याई समयको खेराबिनै आफ्नो गन्तब्यमा पुगुन भन्ने हेतुले सेवा सुचारु गर्न लागेका हौ ।” वसमा यात्रु चढेसंगै बस होष्टेजले स्वागत गर्ने, हाइ-टीको व्यवस्था , १ सय १० मिटरमा रेस्टिंग पोइन्ट, बिहान ४ देखि साढे ४ बजेको समयमा यात्रुहरुलाई उठाई शौचालयको लागी सूचना दिने, चिया कफी को ब्यबस्था गर्दै बिहान ६ बजे भित्रमै यात्रुलाई गन्तब्यमा पुर्याइने अधिकारीले जानकारी दिए । हाललाई २ वटा बस भित्राएको ट्राभल्सले एउटा बस राती १० बजे हेम्जावाट पोखरा हुदै काठमाण्डौ सामाखुशी पुग्नेछ भने काठमाण्डौवाट सोहि समयमा अर्को बस पोखराका लागी छुटनेछ । यो रुटमा सेवा राम्रोसंग संचालन भएसंगै अन्य गाडी थपिने र अन्य क्षेत्रमा समेत सेवा विस्तार गरिने उनले जनाए ।
एउटा गाडीको मुल्य एक करोड १५ लाख परेको दाबी गर्दै उक्त ट्राभल्सले २८ सिटे उक्त गाडीको भाडा शुल्क भने १ हजार १ सय तोकिएको बताएको छ । कम्पनीले तोकेको भाडामा यात्रुले उल्लेखित सम्पूर्ण सेवा सुबिधा प्राप्त गर्ने संचालक अधिकारीले जनाए । पोखरामा काठमाण्डौ पोखरा गर्ने यात्रुहरुलाई हवाई मार्गको विकल्पको रुपमा पनि आफुहरुले सेवा संचालन गरिरहेको अधिकारीले बताए । यस वसमा रहने चालक, सहचालक र वस होष्टेज शिष्ट, अनुशासित लामो अनुभब युक्त र तालिमप्राप्त रहेको उनले जनाए । जगदम्बाले यातयात क्षेत्रमा नयाँ आयाम थप्ने क्रममा गतबर्ष देखि अत्याधुनिक एसि सहितका ४० भन्दा बढी वसहरु संचालनमा ल्याएको दाबी गरेको छ । ट्राभल्सले यातयातका क्षेत्रमा नयाँ आयाम थप्ने उद्धेश्यले दक्षिण एसियाकै अत्याधुनिक सुविधा सम्पन्न वस भित्र्याइरहेको संचालक केशवराज अधिकारीले दाबी गरे । पोखरा विराटनगर, विराटनगर काठमाण्ठौ, विरगन्ज काठमाण्डौ, पोखरा दिल्ली जस्ता रुटमा उक्त ट्राभल्सले सुबिधासम्पन्न वसहरु संचालन गर्दै आएको छ ।
आफुहरु क्याबिन सहितका सुबिधासम्पन्न गाडीहरु भित्राउन लागिपरेको पृथ्वीराजमार्ग बस सञ्चालक समितिका अध्यक्ष ऐनकुमार साईले बताए । उनले भने “म मेरै कार्यकाल भित्र यात्रुहरुलाई अत्याधुनिक सुविधा दिने उद्धेश्यले थप सुबिधासम्पन्न गाडीहरु संचालनमा ल्याउन हरदम लागिपरेको छु।” समितिका महासचिव योगेन्द्र बहादुर केसीले यात्रुको ईच्छा र चाहाना अनुसार पुराना गाडीहरुलाई प्रतिस्थापन गर्दै आफुहरुले सुविधा सम्पन्न वस सेवा संचालन गर्दै जाने बताए ।
Timi haruley kasori thagxau vanney kura ta pahila noi ek jana ko lekh ma padhi sakkiyo, yo bus ma subidha xuina, arko bus ma xa vandoi janta thagna lai…..hahaha….