डीएनबी
पोखरा-
पोखरा उद्योग वाणिज्य संघको आयोजनामा विहिबार देखि पोखरामा सुरु हुने राष्ट्रिय औद्योगिक व्यापार मेला २०७३ को तयारी पुरा भएको छ ।
लगानीको सम्वद्र्धन ः उद्योग व्यवसायको प्रवद्र्धन’ भन्ने मुल नाराका साथ आयोजना हुने उक्त मेलाको तयारी पुरा भएको मंगलबार पोखरामा आयोजित पत्रकार सम्मेलनमा जानकारी गराइएको हो । पुसको ४ गतेसम्म पोखराको नयाँबजारमा रहेको प्रदर्शनी स्थलमा आयोजना हुने मेलामा अत्याधुनिक डोममा निर्मित बिषेश प्रकारका ७८ वटा स्टल सहित, २ सय ९५ वटा विभिन्न व्यापारीक स्टलहरु रहने भएको पोखरा उद्योग वाणिज्य संघका अध्यक्ष विश्वशंकर पालिखेले बताए । अर्घाखाँची सिमेण्टको मुख्य प्रायोजन, एनआइसी एसिया बैंकको सह–प्रायोजन एवं नेपाल पर्यटन बोर्डको र राष्ट्रिय वाणिज्य बैंकको प्रवद्र्धनमा उक्त मेला आयोजना हुने भएको हो ।
उनका अनुुसार मेलामा १३ वटा रेष्टुरेण्ट, ५३ वटा अटो, मेड ईन नेपालमा १०, कृषि र हस्तकलामा २५, फ्लोरिकन्चरमा ४ र १ सय २६ वटा साधारण स्टलहरु रहने छन । मेला पोखरा लगायत सम्पूर्ण राष्ट्रको औद्योगिक, कृषिजन्य उत्पादन, हस्तकलाका उत्पादन, सूचना प्रविधि, शिक्षा, स्वास्थ्य, पर्यटन सहित कृषिजन्य उत्पादनहरुलाई प्रवद्र्धन तथा बजारीकरणमा सघाउ पु¥याउने उदेश्यले राखिएको पालिखेले बताए।
नेपाल सरकारले २०७३ लाई घुमफिर वर्ष घोषणा गरेको सन्दर्भमा पोखराको पर्यटन प्रवद्र्धन गर्ने गरी महोत्सवले पर्यटकलाई विशेष प्याकेज कार्यक्रम समेत ल्याउने भएको अध्यक्ष पालिखेले बताए । मंसिर २६ गते बिशेष पर्यटन दिनको रुपमा आफुहरुले मेलामा विदेशी पर्यटकहरुलाई ल्याउने र नेपाली मौलिक कला संस्कृतिक झल्कने गित तथा झाकीहरु समेत प्रस्तुत गर्ने तयारी गरेको अध्यक्ष पालिखेले जनाए ।
मेलाको अवसरमा पोखरा आउने आन्तरिक पाहुनालाई लक्षित गरी पोखरा लेकसाईडका होटलको आवासमा २५ प्रतिशत छुट तथा रेष्टुरेण्टमा ५ प्रतिशत र ट्राभलमा १५ प्रतिशत छुट हुने व्याबसथा मिलाएको अध्यक्ष पालिखेले दाबी गरे । पश्चिमाञ्चल होटल संघसँगको सहकार्यमा आवासमा, रेवान पोखराको सहकार्यमा रेष्टुरेण्टको खानामा र पर्यटक गाडीहरुको सवारमा नाट्टा क्षेत्रिय संघ पश्चिमाञ्चल पोखरासंगको सहकार्यमा छुटको व्यवस्था गरिएको पालिखेले जनाए ।
मेला आयोजनाबाट बचत भएको रकम पोखरा प्रदर्शनी केन्द्रको पूर्वाधार निर्माणमा विशेष प्राथमिकता प्रदान गरी खर्च गरिने र विगतका वर्षहरुमा थालिएको सामाजिक कार्यलाई निरन्तरता दिइने संघका महासचिव दामु अधिकारीले बताए । मेलामा पिसिसिआई गायन तारा–२०७३, लोकदोहोरी , फेसन सो, बडि बिल्डिङ, अन्तर्राष्ट्रियस्तरका रेस्लरहरुको रेस्लिङ प्रदर्शन, नेपालका ख्यातिप्राप्त व्याण्डहरुको सांगितिक कार्यक्रम, लोकनृत्य प्रतियोगिता, स्थापित हाँस्य कलाकारहरुको मनोरञ्जनात्मक कार्यक्रमहरु समेत समावेश गरिएका छन् । यो पटकको मेलामा समावेश गरिएको पिसिसिआई गायन तारामा प्रथम हुनेले १ लाख र द्धितीय हुनेलाई ५० हजार रुपैयाँ नगद पुरस्कारको व्यवस्था गरिएको छ । मेलामा सुरक्षालाई ख्याल गर्दै २४ वटा सीसी क्यामरा समेत जडान गरीएको अध्यक्ष पालिखे बताए ।
