प्रतिनीधि तथा प्रदेश सभाको दोश्रो चरणको निर्वाचनमा कास्कीमा करिब ६७ प्रतिशत मत खसेको छ ।
कास्कीका १ सय ५० मतदान स्थल अन्तर्गतका ३ सय १७ वटा मतदान केन्द्रमा बिहिबार सम्पन्न मतदानमा ६७ प्रतिशत मत खसेको क्षेत्रिय निर्वाचन कार्यालयका प्रमुख गंगालाल सुवेदीले बताए ।
सुवेदीका अनुसार कुल २ लाख ५५ हजार ४ सय ५२ जना मतदाता रहेको कास्कीमा १ लाख ७१ हजार १ सय ५२ जनाले मतदान गरेका छन् ।
कास्कीमा १ लाख १९ हजार २ सय ९४ जना पुरुष मतदाता तथा १ लाख ३६ हजार १ सय ५४ जना महिला मतदाता रहेको निर्वाचन कार्यालयले जनाएको छ । कास्कीमा यस बर्ष ३० हजार ६ सय ४१ जना नयाँ मतदाता थपिएका हुन ।
सुवेदीका अनुसार सम्पुर्ण मतपेटिका मत गणनास्थलमा ल्याएपछि शुक्रबार विहान १० बजे पछि सर्वदलिय बैठक बसेर मतगणना सुरु हुनेछ । समग्रमा कास्की जिल्लाको मतदान कार्य शान्तिपूर्ण रुपमा सम्पन्न भएको सुबेदीले बताए ।
प्रतिनिधि सभाको लागि ३ र प्रदेश सभाको लागि ६ सिटको लागि भएको प्रतिष्प्रर्धामा कास्कीका स्वतन्त्र सहित १३ वटा पार्टीका ९४ जना उम्मेदवारहरुले उम्मेदवारी दिएका थिए ।
