पोखरा न्युज -१६ वैशाख ।
पोखराको फेवातालमा आइतबार एक महिला मृत अवस्थामा फेला परेकी छन् ।
मृत्यु हुनेमा स्याङ्जाको पुतलिबजार नगरपालिका ७ हरिपाला घर भई पोखराको सृजनाचोक बस्ने ३५ बर्षीय सबिता पोखरेल रहेको प्रहरीले जनाएको छ । स्थानियहरुले पोखरा लेखनाथ महानगरपालिका ६ फेवाताल स्थित बाराही घाटमा महिलाको शव देखेपछी प्रहरीलाई खबर गरेका थिए । पोखेरललाई मृत अवस्थामा तालबाट झिकिएको प्रहरी उपरीक्षक विरेन्द्र कुमार बस्यालले जानकारी दिए ।
पोखेरलको मृत्यु कसरी भयो भन्ने बारेमा अनुसन्धान भइरहेको उपरीक्षक बस्यालले बताए । उनको शवलाई पश्चिमाञ्चल क्षेत्रीय अस्पताल पोखरामा राखीएको प्रहरीले जनाएको छ ।
