पोखरा । कोरोना संक्रमण पुष्टी भई धौलागिरी अस्पतालको आइसोलेसनमा कक्षमा उपचाररत ४ पुरुषले कोरोनालाइ जितेर घर फर्किएका छन् ।
तमानखोला गाउँपालिका २७ बर्षीय २ जना पुरुष र बडीगाड गाउँपालिकाका १९ र २० का २ जना पुरुषहरु अस्पतालबाट डिस्चार्ज भएको स्वास्थ्य निर्देशनालय गण्डकीले जनाएको छ ।
जेठ १४ गते कोरोना संक्रमण पुष्टी भएर अस्पताल भर्ना भएका उनीहरुको स्वाव संकलन गरि दोस्रो पटक परीक्षण गर्दा रिपोर्ट नेगेटिभ आएकोले आज अस्पतालबाट डिस्चार्ज गरिएको निर्देशनालयले जानकारी दिएको हो ।
आज नै कोरोना संक्रमण पुष्टी भई स्याङ्जा जिल्ला अस्पतालको आइसोलेशन कक्षमा उपचाररत वालिङ नगरपालिका वर्ष २१ का १ जना पुरुष र गल्याङ नगरपालिका २७ र ४० वर्षका २ जना पुरुषहरु कोरोना जितेर अस्पतालबाट डिस्चार्ज भएका छन् ।
यो सँगै गण्डकी प्रदेशमा कोरोना संक्रमणबाट निको हुनेको संख्या ९ पुगेको छ । यसअघी बागलुङकै २ महिलाले कोरोना जितेर घर फर्किएका थिए ।
गण्डकीमा हालसम्म कोरोनाबाट एक जनाको मृत्यु भएको छ । पोखराको पश्चिमाञ्चल क्षेत्रीय अस्पतालको आइसोलेसन कक्षमा उपचार गराइरहेका स्याङ्जाको वालिङ नगरपालिकाका ६० बर्षीय व्यक्तिको आइतबार राति कोरोनाका कारण मृत्यु भएको हो ।
हालसम्म प्रदेशमा बागलुङका ३७ जना पुरुष तथा ३ महिलासहित कोरोना संक्रमितको संख्या १ सय ४७ पुगेको छ ।